Сэтгэлийн авшиг хүрмэгц Будда болон гэдгийг олон хүн мэддэггүй нь тун харамсалтай. Та нар бүгдээрээ Будда шүү дээ. Энд байгаа хүмүүсийн дотор Буудда болоогүй нэг ч хүн байхгүй. Гэвч өөртөө итгэлгүй учраас Будда биш байна. Хэрэв итгэдэгсэн бол сэтгэлийн авшиг хүртмэгц Будда болно.
Асуудлын гол нь өөрийгөө Будда болсон гэж яаж мэдэх вэ? Туршлагатай болбол аяндаа мэднэ, яарсны хэрэггүй. Хожим маш олон барилдлагатай ниймлмэгц биднийг Будда гэдгийг ойлгуулна. Хамаг амьтан маш чухал, хамаг амьтан үгүй бол Будда бас байхгүй. Сэтгэлийн авшиг хүртмэгц Будда болон гэдгийг бид бясалгах тутам ойлгож мэдэх болохоор сайтар бясалгах хэрэгтэй. Хэрэв сайтар бясалгахгүй бол нэг л өдрийн дараа Будда болоод бусад өдөр нь Будда биш болж, мартаж орхигдоход хүрнэ. Агшнаа билэг нээгдэх номын цогцсыг бясалгач нь мөн чанараа хоромхон олж үзээд Будда болох нь дамжиггүй юм. Буддагийн гэрлийг олж үзвэл Буддатай нэгэн цогц болж Будда болно. Буддагийн аялгууг олж сонсвол их бага ч гэсэн Буддатай нэг цогц болох юм. Бид багавтар зэрэглэлийн Буддагийн аялгууг сонссон ч энэ нь мөн Буддагийн эгшиг аялгуу мөн. Багавтар зэрэглэлийн Буддагийн гэрлийг олж үзсэн ч нь мөн Буддагийн гэрэл мөн болно.
Бид Буддагийн өлмийд хүрвэл тэр даруй Будда болж, Буддаг олж харж, Буддаг барьж үзсэнд тооцогдоно. Бид зөвхөн Буддагийн нүүрийг хараагүй болохоор л өөртөө итгэлгүй байна.
Тиймээс хэдийд Будда болохоо хүлээсний хэрэггүй, сэтгэлийн авшиг хүртмэгц Будда болно. Бидэнд зөвхөн итгэл дутаж, туршлага байгаа төдий л юм. Олигтойхон бясалгаж, бүрэн гүйцэт даяанч хүчтэй болоод хамаг амьтныг гэтлэх үед бид ямар Будда болсоноо мэднэ. Гэвч хамаг амьтныг гэтэлгэхийн тулд ном хаялцах эрдэм, билэг ухаан байх хэрэгтэй. Дотоодод байгаа билэг ухаан ба туршлагыг заавал бүрдүүлэх хэрэгтэй. Гэхдээ гаднах мэдлэг, туршлага дутаж бас болзошгүй юм. Ингэж байж л сая хамаг амьтныг гэтэлгэж чадна.