(Хятад хэлээр)
Асуулт:
Би нилээд хэдэн жилийн өмнө авшиг хүртсэн, яагаад миний Гэрэл харж, Аялгуу сонсох ахуй ойлголтын түвшин анх авшиг хүртэх үеийнхтэй маань адилхан хэвээр байна вэ? Бясалгал дадалдаа хурдан хөгжих арга нь юу вэ?

Элч:
Урьд урьд төрөлдөө оюун санааны бясалгал хийж байсан эсэх, ямар түвшинд байсан зэрэг нь биднийг хоорондоо ялгаатай болгодог ба энэ нь бидэнд дөнгөж бясалгаж эхлэж буй зарим хүн маш их хөгжиж дэвшээд байгаа шиг санагдуулдаг. Заримдаа бид өөрийгөө хөгжиж дэвшихгүй байна гэж боддог гэвч унаж хоцроогүй л бол бид хөгжиж л байгаа. Зөвхөн дотоодын Гэрэл Аялгууны ахуй ойлголтоор хөгжиж байгаа үгүйгээ хэмжиж болохгүй. Оюун санааны бясалгал дадлыг хийж эхлээд хөгжил дэвшил гаргачих л юм бол бидний амьдрал урсам сайхан болж, энэ дэлхийн мугуйд үзэл санаа, хүмүүний эгэл асуудлуудаас чөлөөлөгдөн, бие махбодь хийгээд оюун санааны хувьд амар амгаланг олж, билэг ухаан маань бусдыг сайн сайханд дагуулан, айх аюулгүй, аж амьдрал, хувь заяандаа сэтгэл хангалуун болно.

Хэрэв дотор гадна аль алинд нь хөгжихгүй байх шиг санагдвал авшиг хүртэх үед зааснаар хоёр цаг гучин минутын бясалгалыг үнэхээр хийж буй эсэх, Сахилуудаа бие хэл сэтгэлээрээ чандлаж буй зэргээ нягталж үзэх хэрэгтэй. Буруу аргаар бясалгаж буйн улмаас та хөгжихгүй байх тал бас байж болно.

Бидний хэр их хөгжиж дэвших сэтгэлийн маань цэвэр ариунаас шууд хамаарна. Цэвэр ариун, сайн сайхан сэтгэлтэй, Багшийн заавар зөвөлгөөг бүрэн дүүрэн хүлээн авах чадвартай, Багшдаа бат итгэлтэй байх зэрэг асар ихээр хөгжиж дэвшихийн хамгийн чухал түлхүүрүүд юм.